اجزا
- (ٹماٹر چھ عدد (درمیانے
- قیمہ تین سو گرام
- تیل دو کھانے کے چمچ
- پیاز ایک عدد
- (چاول ایک سو گرام (بھیگے ہوئے
- پانی آدھا سے ایک کپ
- سویا ایک چوتھائی گٹھی
- نمک حسب ذائقہ
- (کالی مرچ آدھا چائے کا چمچ (پسی ہوئی
ترکیب
- پہلے ٹماٹروں کا اوپری حصہ کاٹ کر چائے کے چمچ کی مدد سے گودا نکالیں اور تھوڑا سا نیچے کا حصہ بھی کاٹ لیں، تاکہ ٹماٹر کھڑا کیا جاسکے۔
- اب ایک پین میں تیل گرم کرکے پیاز شامل کرکے اتنا پکائیں کہ وہ نرم ہو جائے۔
- پھر اس میں چاول اور تھوڑا سا پانی شامل کرکے اچھی طرح پکالیں۔
- جب چاولوں کی کنی ختم ہو جائے اور وہ پک جائیں تو چولہے سے ہٹا کر ان میں قیمہ، سویا، نمک اور پسی کالی مرچ مکس کریں۔
- اب اس مکسچر کو ٹماٹروں میں بھریں۔
- جب تمام ٹماٹر تیار ہو جائیں تو انھیں ایک پین میں رکھ کر تھوڑا سا پانی شامل کرکے ڈھک کر دم پر پکنے کے لیے چھوڑ دیں۔
- آٹھ سے دس منٹ بعد ڈھکن ہٹا کر احتیاط سے ٹماٹروں کو پلیٹر پر رکھیں۔
- آخر میں بچی ہوئی گریوی اوپر سے ڈال کر گرم گرم سرو کریں۔
