اجزا
- کٹی پالک دو کپ
- پھول گوبھی ایک سو پچیس گرام
- آلو ایک عدد
- بینگن ایک عدد
- گاجر دو عدد ﴿کیوبز میں کاٹ لیں﴾
- پانی آدھا کپ
- کٹے ٹماٹر چار عدد
- نمک ایک چائے کا چمچ
- پسی لال مرچ دو چائے کے چمچ
- ہلدی آدھا چائے کا چمچ
- تیل آدھا کپ
- میتھی دانہ ایک چوتھائی چائے کا چمچ
- زیرہ آدھا چائے کا چمچ
- ثابت لال مرچ چھ عدد
ترکیب
- پہلے کٹی پالک، پھول گوبھی، آلو، بینگن اور گاجر کیوبز میں کاٹ لیں۔
- اب انھیں پین میں آدھے کپ پانی، کٹے ٹماٹر، نمک، پسی لال مرچ اور ہلدی کے ساتھ ڈال کر اتنا پکائیں کہ سبزیاں گل جائیں۔
- اب تیل گرم کر کے اس میں میتھی دانہ، زیرہ اور ثابت لال مرچ ڈال کر بگھار تیار کریں۔
- پھر اس بگھار کو تیار کیے ہوئے سبزیوں کے مکسچر میں ڈال کر اچھی طرح مکس کریں اور دس منٹ دَم پر رکھ دیں۔
- مزےدار نورتن ویجی ٹیبل تیار ہے۔
