اجزا
- آٹا دو کپ
- میدہ آدھا کپ
- نمک تین چوتھائی چائے کا چمچ
- تیل ایک تہائی کپ
- پانی ایک کپ
- نمک چھڑکنے کے لیے
ترکیب
- اوون کو پہلے سے ایک سو پچہتر ڈگری سینٹی گریڈ تک گرم کرلیں۔
- الگ سے ایک پیالے میں آٹا، میدہ اور نمک ڈال کر مکس کر لیں۔
- اس کے بعد پانی اور تیل شامل کرکے اچھی طرح بیٹ کر لیں۔
- تمام آمیزہ اچھی طرح مکس ہو جائے تو ڈو کی طرح گوندھ لیں۔
- اس کے بعد ایک سطح پر تھوڑا سا میدہ چھڑک کر ڈو کو بہت پتلا بیل لیں۔
- اب اسے اٹھا کر ایک بیکنگ شیٹ پر پھیلا دیں۔
- پھر چھری کی مدد سے اس پر چوکور نشانات لگائیں۔
- پھر ہر کریکر پر کانٹے کی مدد سے سوراخ کر لیں، آخر میں تھوڑا سا نمک چھڑک کے پہلے سے گرم اوون میں پندرہ سے بیس منٹ بیک کر لیں۔
- گولڈن براؤن اور کرسپی ہو جائیں تو اوون سے نکال کر الگ الگ کر لیں۔